كشف مصطفى شوبير حارس مرمى النادي الأهلي، حقيقة خلافه مع محمد الشناوي الحارس الأساسي وقائد الفريق، بعد الأنباء الأخيرة التي تم تداولها.
وقال شوبير في تصريحاته لقناة "أون تايم سبورتس":" مفيش مشاكل بيني وبين كابتن محمد شناوي، والناس بتجتهد وبتصنع مشكلات واحنا بنحترم بعض، بس أتمنى متصدروش مشاكل ".
وأضاف حارس الأهلي:" كلنا بنحترم بعض في النادي أنا والشناوي وحمزة وكلنا ومن غير تعبهم معايا مكنتش وصلت للمستوى ده، انت بتجتهد والنية صافية بنا وربنا يكرمنا جميعًا ".
وعن رقم القياسي، قال شوبير:" ده رقم فردي من غير الفرقة مش هنحقق حاجة، أنا ولا نجم البطولة ولا حاجة.. أخذنا بالأسباب وحققنا اللقب ومبروك للفريق والجماهير، ربنا كرمنا بالبطولة علشان الناس ما تروحش زعلانة.
ومن جانبه، قال محمد الشناوي في تصريحات تلفزيونية:" سعيد بأداء مصطفى شوبير الأهم هو مصلحة النادى الأحمر والتتويج بالألقاب والبطولات ".
وأضاف الشناوى: "بالنسبة ليا هذه رابع بطولة أرفعها، وهذا رقم قياسى، وحصلنا على الرقم 12 والنادى الأهلى في ضهر دائماً وهذا الجيل حفر اسمه من ذهب".
