فتح الإعلامي أحمد شوبير، النار على البرتغالي فيتور بيريرا، رئيس لجنة الحكام الرئيسية باتحاد الكرة قبل مباراة القمة المرتقبة بين الأهلي والزمالك.
من المقرر إقامة مباراة الأهلي والزمالك في تمام السابعة مساء غد الثلاثاء، على ستاد القاهرة الدولي، ضمن منافسات الجولة 27 من دوري NILE.
وقال شوبير في تصريحات إذاعية: "بيريرا كان عندي ضيف قبل كده، وسألته هل في إمكانية لاستقدام حكام أجانب تاني في الدوري، رد عليا وقالي: طول ما أنا موجود لا، وفجأة اتحاد الكرة يعلن عن طاقم تحكيم إسباني لمباراة القمة".
وأضاف: "بوجه رسالة لاتحاد الكرة، لو عاوز تصلح حال الكرة المصرية فعلا، يبقى لازم تعلن من دلوقتي نظام الدوري في الموسم الجديد، وكل يوم بقول الكلام ده، وتحط ضوابط وقواعد للتحكيم بدل العشوائية اللي بنشوفها دي".
وتابع: "من ضمن الحاجات برضو اللي هتجنني حوار الكابتن محمد الحنفي، لساني نشف بسببه، وبيريرا قالي مش هيلعب تاني خلاص وسقط في الاختبار، ولن يتواجد حكم ساحة مرة أخرى، نبص نلاقي امبارح إن الحنفي يدير بيراميدز والمقاولون ونجم المباراة، أيوة حضرتك كنت باعده ليه؟".
وأكمل تصريحاته: "بيريرا راكب دماغه برضه، ومصمم إن محمد عادل يعتزل السنة الجاية، وبصراحة مش فاهم ليه، وكلنا شفنا أداء عادل في كأس أمم أفريقيا الأخيرة، وبالمناسبة قرار إن الحكم يعتزل بعد وصوله لسن الـ45 مبقاش موجود خلاص، طالما الحكم قادر يكمل عادي ولا أي مشكلة".
