وجه أحمد حسام ميدو نجم الزمالك السابق رسالة إلى المسؤولين عن كرة القدم في مصر بخصوص أزمة محمد صلاح نجم ليفربول مع حسام حسن مدرب منتخبنا الوطني.
وكتب ميدو عبر حسابه الرسمي بمنصة "أكس": "عجبني المنتخب إمبارح، اللاعيبة بتقاتل، ومنتخبنا بعد الهدف ساب الاستحواذ ولعب على المرتدات بشكل كويس".
وتابع: "بعض من أفكار حسام حسن واضحة بمحاولة تجميع اللعب في ناحية، ونقل الكرة بسرعة للناحية الثانية".
وواصل: "مهم أن الرسالة واصلة، إللي مش هيقاتل كل دقيقة وكل ثانية في الملعب مش هيكون ليه مكان في التشكيل الأساسي".
وطالب بضرورة حل أزمة محمد صلاح قائلًا: "الخطوة الجاية لازم أزمة محمد صلاح مع الجهاز تتحل، وتتحل بذكاء بتدخل مسؤولين كبار، ماتسيبوش الموضوع ده لأصحاب اللقطة".
وأكمل: "ومهم جدا عودة فتوح للمنتخب، محمد حمدي لاعب كويس لكنه مش الباك لفت إللي هيشيلك في الماتشات الثقيلة".
واختتم: "البداية لازم تيجي من فتوح، وإن شاء الله يكون مركز ومتألق الفترة إللي جاية مع الزمالك، وترجع المنتخب وترجع لاعب أساسي، لأن ده مكانك الطبيعي".
