كشف الإعلامي أحمد شوبير، حقيقة تسببه في فشل انتقال محمد أبو جبل حارس مرمى البنك الأهلي إلى النادي الأهلي، خلال فترة الانتقالات الشتوية الماضية.
وقال أحمد شوبير في تصريحاته خلال برنامج "العرافة" على قناة المحور:" لو حارس مرمى كويس هيلعب، لو مش كويس مش هيلعب ".
وأضاف شوبير:" أنا كأعلامي شغلتي الخبر، و لما يكون عندي خبر إن الأهلي وقع مع أبو جبل، وأنا كتبت خبر أبو جبل أهلاوي حتى نهاية الموسم ، ما هو الخطأ؟ ".
وتابع:" أنا شغلتي الإنفرادات ، الناس بتجيلي عشان الإنفرادات، و لو كان على حساب أبني، وهو كان في المنتخب ومعه لاعبين من الأهلي وهم أخبروه بموعد مرانه الأول في القلعة الحمراء.
وقال شوبير:" لدي أسلوب في العمل، ويعتمد على الخبر والنقد الفني، ولا يمكن لأحد إنه يغير ده، ولو حلو هقول حلو، ولو وحش هقول حاجة وحشة، هناك أمور مفيهاش حياد، وبالتأكيد حسام حسن وإبراهيم حسن، زمالة عمر أحبها وأحترمها، لكن شغلي كنقد هو إظهار الجيد والسيئ خاصة للتدريب، وده بيضايقهم شوية وبيحسوا إن الناس جاية عليهم، وحسام طول عمره كده ".
وأردف:" حسام حسن بيزعل من النقد مبيحبش يخسر مبيحبش حد يتكلم عنه إلا حلو وبيشوف إن الناس جاية عليه، وحسام حسن أحسن اختيار في الوقت الحالي لتدريب منتخب مصر، وهو أمر مفيهوش أي حياد.
