![الزمالك - رابطة الأندية](http://media.assettype.com/wtskora%2F2023-12%2F15e57034-657f-48f9-9251-ee0fa52e962b%2F19_2023_638366322335063274_506.jpeg?w=480&auto=format%2Ccompress&fit=max)
فتح الإعلامي أحمد سالم المتحدث الرسمي لـ الزمالك، النار على بعض القنوات الفضائية بسبب تخصيص البرامج في رمضان للحديث عن الزمالك فقط دون باقي الأندية ومحاولة تهديد استقراره.
وكتب سالم عبر صفحته علي موقغ التواصل للاجتماعي فيسبوك: "هي برامج الفضائح إياها أفلست إعلاميا ومبقاش عندها أفكار غير إنها تجيب ضيوف تلمعهم بأسئلة ركيكة متفق عليها، مقابل إنهم يشهروا بنادي الزمالك ويهددوا استقراره؟؟".
وتابع: "محدش قال لهم إن الأمانة والمهنية تحتم عليهم طرح الأسئلة اللي الجمهور عايز يعرف إجاباتها مش اللي الضيف عايز يسمعها، ولو مش فاهمين في الكورة ليه بيتكلموا فيها بسذاجة وسطحية رغم إن عندهم فرق إعداد متمكنة، إلا لو كانت السذاجة دي مقصودة لا سمح الله".
وواصل سالم تصريحاته: "بالنسبة لإن عدد أندية كرة القدم في مصر حوالي ١٠٠٠ نادٍ منها ١٨ نادي في الدوري الممتاز غير عشرات الأندية في دوري الدرجات الأولى والتانية والتالتة والرابعة، ليه يا ترى كل حلقات البرامج إياها متخصصة في أخبار ومشاكل الزمالك طوال رمضان دون غيره من الأندية ؟؟".
وأكمل حديثه: "للمرة المليون.. كلنا تركيز في دعم ومؤازرة جميع الفرق الرياضية بنادي الزمالك حتي يتحقق كل ما يتمناه جمهور الزمالك العظيم".