وجه أحمد حسام ميدو التهنئة للجهاز الفني لمنتخب مصر الأولمبي بقيادة ميكالي، بعد رحيل عصام الحضري عن منصبه كمدرب لحراس مرمى المنتخب الأولمبي.
وقال ميدو في تصريحاته عبر برنامج الريمونتادا على قناة المحور: "أبارك للجهاز الفني للمنتخب الأولمبي برحيل عصام الحضري، لأن عصام الحضري مش مركز في الشغلانة مع المنتخب الأولمبي، ممكن يكون معاك حد أقل إمكانيات وقلبه معاك، ومركز معاك بس، أحسن بكتير ما يبقى معاك حد مش مركز"
وأضاف: "عصام الحضري كان بيدور على شغلانة تانية طول الفترة اللي فاتت لأنه كان مستقل شغلانة المنتخب الأولمبي، والحضري كان مُشتت، لذلك أبارك للجهاز الفني للمنتخب الأولمبي وأبارك لمصر"
واختتم: "أحسن مليون مرة تجيب حد صغير وعنصر شاب ويكون مركز مليون في المية معاك، لكن اللي مش مركز معاك ده ممكن يعملك مشكلة كبيرة زي اللي حصل بين الحضري وميكالي"
وأعلن عصام الحضري رحيله مؤخرا عن منصبه في الجهاز الفني للمنتخب الأولمبي وانضم للجهاز المعاون للأرجنتيني هيكتور كوبر مدرب منتخب سوريا الجديد.
ومن جانبه قرر اتحاد الكرة قبول اعتذار عصام الحضري، مع عدم التعامل معه في المنتخبات الوطنية مرة أخرى في الفترة المقبلة.
