فتح أحمد سيد محلل الأداء الفني السابق بشركة الكرة بالنادي الأهلي، النار على محمود الخطيب رئيس مجلس الإدارة، موجهًا الاتهام لأحد رموز القلعة الحمراء.
وعمل أحمد سيد خلال الفترة الماضية داخل شركة الكرة بالنادي الأهلي كمحلل للأداء، قبل أن يغادر القلعة الحمراء.
وكتب “سيد” ،عبر حسابه الشخصي على موقع التواصل الإجتماعي فيس بوك: ” قيمة وقامة كبيرة رشحتني للعمل في وظيفة كشاف لاعبين في الأهلي “.
وأضاف: ”اسم الأهلي على رأسي وأنا مُشجع و هشجع لغاية ما أموت و هنهتف بإسمه ببلاش، لكن لما يجي دورك تشتغل فأنت محتاج اللي يقدرك علشان تقدر تصرف على بيتك و احتياجاتك لأن اسم الأهلي المفترض يعني يخليك تعيش كويس مش يسيبك 3 شهور تشتغل ببلاش و بعدها علشان تكمل معاه يقولك ملاليم و فيه لاعيبه بتاخد ملايين”.
وأردف: “أحد أفراد ادارة الأهلي العظيمة بعد ما عملت إنترفيو قالي هتابعوا بطولة أفريقيا للشباب في مصر، البطولة كانت شغالة و ديه بداية الأخطاء من الادارة ، كان المفترض تجهيز كل شئ قبل بداية البطولة “.
وواصل: ” أبلغونا إن إدارة تحليل الأداء هي جديدة رغم أن هذه الإدارة كانت موجودة وتعمل بشكل طبيعي في 2018″.
وأكمل: “عملت بكل جهد وتركت عملي ، عدد ساعات عملي في إدارة تحليل الأداء تخطت الـ 16 ساعة ، والمفاجأة يمر أسبوع والأخر ولم يتم استدعائنا لعرض عملنا وما قمنا به ، ولم يعلن انضمامنا من الأساس بشكل رسمي لوسائل الإعلام”.
واسترسل: "بدلم أشعر بالراحة لافتقاد الأسس العلمية والأهداف في العمل وحتى العائد المادي”.
وأشار إلى أن هناك كذب و لف ودوران و كأن فكرة تطبيق ال Scouting مُسمي فقط و أساسها سبوبة اضافية داخل النادي لأحد رموزه , لذلك رفضت استمراري”.
وأردف: ”مش هرضى إطلاقًا أكون عنصر في كيان يفكر مجرد التفكير في التعاقد مع لاعيبه فوق 34 سنة، هما جايين يموتوا عندنا ده جماهير الأهلي مش بترضي بخسارة فريقها النهائي الأفريقي الثالث بعد التتويج مرتين توالياً فانت محتاج تشتغل بكل قوة علشان تحصل علي أكبر قدر من النجاح”.
واختتم: “الأهلي لا هو قاعة تكريم و لا دار للعجزة ده، إحنا في 2023 و لسه مش قادرين نعمل ميركاتو بقدر مكانة الأهلي او حتى الفلوس اللي بيدفعها”.
