أعلن تركي آل الشيخ مستشار هيئة الترفيه في المملكة العربية السعودية، عن عدة مفاجآت في برنامج إبراهيم فايق الجديد.
وكتب تركي الشيخ على صفحته:" سعيد جدا بالنجاح اللي عمله برنامج إبراهيم فايق في mbc في وقت قصير جدا.. وده دليل ان الناس بتحب الحاجة الحلوة النضيفة اللي بتجمعهم بعيدا عن التريند الغير هادف، علاقتي بإبراهيم ممتدة من سنين وفكرة البرنامج كانت هتنطلق من أكتر من ٥ سنين".
وأضاف:" إبراهيم عيني عليه وعلى موهبته من وقت ظهوره في DMC وكنت عارف ان عنده كتير وجه الوقت اللي نستفيد منه لتقديم إعلام رياضي هادف محترم، وصيتي لفايق كانت واضحة من لحظة اتفاقنا أنه يقدم إعلام يقرب وجهات النظر ويمنح مساحات للأراء المختلفة باحترام وتقديم خدمة ممتعة لكل بيت مصري وعربي",
وأردف:" قريبا ومن يوم الجمعه تحديدا هتشوفوا فورمات برنامج رياضي مختلف وجديد ومبهر.. اشتغلت على أفكاره وتفاصيله مع فايق في أمريكا، وقريبا برضه البرنامج هيستضيف أهم وأبرز النجوم العالميين.. استعدوا للمفاجآت ".
وكتب فايق على صفحته:" مستني الساعة تييجي ١١ النهاردة بفارغ الصبر .. عندي حماس كبير أبدا معاكم تجربة مختلفة لأول مرة بتحصل في البرامج الرياضية على الهواء.. بدعمكم ومحبتكم كل حاجة بنتعب فيها بتوصلكم.. فيارب أسالك التوفيق والسداد ".
