سخر الإعلامي أحمد شوبير حارس مرمى الأهلي ومنتخب مصر من تصريحات محامي محمد الشيبي نجم فريق بيراميدز بسبب التصعيد المستمر منه ضد حسين الشحات لاعب الأحمر.
وقال أحمد شوبير ساخرًا في تصريحات إذاعية: "تاني تاني راجعين أنا وانت للعذاب من تاني راجعين للشيبي والشحات تاني هغنيها وأعملها موال اه والله عشان محامي تاني يطلع يقول لك هنستأنف ونحبس حسين الشحات".
ووجه شوبير رسالة ساخرة للمحامي قائلًا: "أقول لك حاجة هات لحسين الشحات مؤبد أو إعدام يستحق الإعدام شنقا أو رميا بالرصاص، استئنف اعمل اللي انت عايزه".
وتابع تصريحاته: "دلوقتي كمان دخلوا على الخط المواقع في المغرب، يا جماعة هناك حكم صدر وده أقصى حكم في مثل هذه القضايا سنة مع إيقاف التنفيذ لكن المحامي قال لك أنا هشيل إيقاف التنفيذ".
وأكمل: "اللي عايز ياخد إجراء ياخده بس كده كثير قوي يا جماعة وشكلنا وحش والناس بره بتضحك علينا، كثير فعلا قوي اللي بيحصل ومش في صالح الكرة المصرية ولا في صالح الناس اللي بتتكلم".
كانت تقارير مغربية قد كشفت في الساعات الماضية عن أن محامي محمد الشيبي سيطالب خلال استئناف الحكم في قضية تعدي الشحات على اللاعب المغربي، بتنفيذ عقوبة الحبس بدل من جعلها عقوبة موقوفة التنفيذ.
